PAMJE APOKALIPTIKE NGA MAMINASI/ Frika e shpërthimeve nga djegia e fabrikës së bojrave, mbyllet autostrada Tiranë-Durrës
Nga OraNews Përditësimi i fundit 23 Shtator 2023, 23:39
Mbrëmjen e sotme në Maminas është përfshirë nga flakët një magazinë dhe fabrikë bojrash.
Akoma nuk dihet emri i biznesit po nga informacionet paraprake bëhet me dije se është Deutche Color.
Policia thekson se ka bërë të mundur evakuimin e banorëve pasi rrezikohen seriozisht banesat, ndërsa njofton që për arsye sigurie ka bllokuar dhe autiostradën Tiranë – Durrës – Tiranë.
Ndërkaq në vendngjarje ka mbërritur edhe vetë ministri i Brendshëm, Tauant Balla
Njofitimi i Policisë Durrës/Informacion paraprak
Në autostradën Durrës-Tiranë, në Maminas, është përfshirë nga flakët një fabrikë bojrash.
Shërbimet e Policisë dhe të zjarrfikëses kanë shkuar menjëherë në vendin e ngjarjes dhe po punojnë për shuarjen e flakëve.
Shërbime të shumta policie të DVP Durrës dhe grupe të FNSH Tiranë kanë evakuuar në një objekt, qytetarët që ndodheshin në lokalin afër fabrikës.
Në momentin që ka rënë zjarr, brenda në fabrikë nuk ka patur punonjës, por vetëm rojet të cilët kanë qenë në ambientet e jashtme të fabrikës. Nga përhapja e flakëve nuk ka asnjë person të dëmtuar.
Për çështje sigurie do të bllokohet përkohësisht autostrada Durrës-Tiranë dhe lëvizja do të devijohet në rrugët dytësore.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
