Softa: Policët duhet të kenë sigurim për jetën, të dhënat tona nga sistemi TIMS janë në duart e kriminelëve
Nga Katerina Hysenllari Përditësimi i fundit 23 Shtator 2023, 20:24
Eksperti i sigurisë, Fatjon Softa në një intervistë për Ora News foli për plagosjen e policit dhe për masat që duhen marrë për mbrojten e efektivëve. Softa theksoi se policët duhet të kenë sigurim për jetën, dhe të jenë të pajisur me antiplumb.
"Punonjësi i policisë duhet të ketë antiplumb. Ky është një problem që kërkon zgjidhje. Ndaj policisë duhet të ketë masa mbrojtëse. Policët duhet të trajnohen mirë. Efektivët e policisë duhet të kenë sigurim për jetën", tha Softa.
Eksperti i sigurisë u ndal edhe tek sistemi TIMS, ku thekson se mund të ketë rrjedhje informacioni.
"Problemi është tek marrja dhe shitja e të dhënave. Në sistemet e hyrje-daljeve ka edhe oficerë që bashkëpunojnë me SPAK dhe NATO-n. Është shumë e rëndësishme mbrojtja e të dhënave. Të dhënat tona janë në duart e personave me rrezikshmëri kriminale", tha ndër të tjera Softa.
