Festojnë përvjetorin e martesës, Big Basta i bën Vesa Lumës dedikim emocionues që do e dëshironte çdo grua
Nga OraNews Përditësimi i fundit 12 Shtator 2023, 14:02
Çifti i njohur i skenës muzikore, Vesa Luma dhe Big Basta festojnë përvjetorin e martesës sot.
Dyshja u dashuruan dhe u lidhën gjatë një spektakli ku po merrnin pjesë dhe lidhja e tyre funksionoj mrekullisht, duke u kurorëzuar në martesë.
Ata janë të martuar prej tetë vitesh dhe në këtë përvjetor Big Basta i ka bërë dedikimin e mrekullueshëm këngëtares kosovare.
“8 vjet martesë sot në 12 Shtator! Gati një dekade plot dashuri dhe sfida me ortaken time të jetës, të cilën pata fatin hyjnor ta njoh dhe të rritem me të. Të shpreh dashurinë në këtë ditë të shënuar është pak, por uroj shumë që edhe në jetët e tjera të jemi bashkë! Këto 8 vite ke qenë shoqe, grua, ortake dhe mbi të gjitha nënë e përkryer, çka më bën të mos dua gjë tjetër veçse të jem pranë teje dhe të mësoj nga ti, të rrezatoj si ti. Të dua @vesaluma”.
