Ky është Gramoz Palushi, ishte 20 vjeç kur e vranë se po festonte fitoren e Shqipërisë kundër Greqisë
Nga OraNews Përditësimi i fundit 6 Shtator 2023, 08:37
Ky është Gramoz Palushi. I lindur në Kukës, kishte emigruar në Greqi për një jet më të mirë. 19 vite më parë më 4 shtator 2004 Shqipëria do të luante në “Qemal Stafa” me Greqinë. Fituam 2 me 1, duke mundur të saposhpallurën Kampione Europe.
Gëzuan shqiptarët ngado ku ishin dhe padyshim diaspora është më e ndjeshme. Në ishullin Zakinthos në Greqi po festonte edhe Gramozi.
Një turmë grekësh e sulmuan pas shpine duke i ngulur thikën. Kur shkoi në spital, personeli mjekësor nuk e trajtoi siç duhej dhe e la për një kohë të gjatë pa e prekur me dorë me justifikimin se nuk ishte i siguruar.
Autori i vrasjes në fillim u dënua me burgim të përjetshëm ndërsa më pas apeli ia uli me 22 vite burg. Gramozi vdiq sepse po festonte fitoren e Shqipërisë kundër Greqisë. Ishte vetëm 20 vjeç.
Gramoz Palushi dhe prindërit e tij
