Osmani: Porti i Durrësit kursen kohën dhe koston e bizneseve kosovare
Nga OraNews Përditësimi i fundit 5 Shtator 2023, 20:33
Presidentja e vendit, Vjosa Osmani, gjatë ditës së dytë të vizitës shtetërore që po zhvillon në Shqipëri, ka qëndruar në qytetin e Durrësit.
Në një takim me kryetaren e Bashkisë së Durrësit, Emiriana Sako, është diskutuar për sezonin turistik si dhe mundësitë e bashkëpunimit me komunat e Kosovës.
Osmani dhe kryetarja Sako kanë vizituar pikën doganore të Kosovës në Portin e Durrësit, njofton Presidenca e Kosovës.
Osmani ka theksuar rëndësinë e përdorimit të këtij porti nga ana e bizneseve kosovare.
Sipas saj, kjo zyrë kursen kohën dhe koston, sikurse edhe e lehtëson operimin e bizneseve kosovare në tregjet ndërkombëtare.
Aty kanë takuar edhe drejtorin e Doganave të Kosovës, Agron Llugaliu dhe homologun e tij nga Shqipëria, Genti Gazheli.
“Ata kanë prezantuar bilancin e shkarkimit të mallrave nga Kosova në këtë port dhe mundësive për përdorim më të shumtë të tij në këtë funksion”, thuhet në njoftim.
