Drejtonte mjetin në gjendje të dehur, arrestohet kreu i Partisë Socialiste në Finiq

Nga OraNews Përditësimi i fundit 2 Shtator 2023, 07:23

Kryetari i Partisë Socialiste në bashkinë e Finiqit, i cili shërben njëkohësisht si këshilltar bashkiak në këtë bashki dhe drejtor i Sigurimeve Shoqërore në qytetin e Sarandës është arrestuar mbrëmjen e djeshme.

Mësohet se Thoma Kallojeri ka përfunduar në pranga, pasi është kapur duke drejtuar në gjendje të dehur automjetin e tij.

Raportohet se 67-vjeçari u kap në flagrancë nga autoritetet e policisë rrugore të Sarandës me një sasi të lartë alkooli në gjak.