Trafik i rënduar në Kukës, krijohen radhë kilometrike në hyrje të qytetit

Nga OraNews Përditësimi i fundit 26 Gusht 2023, 10:39

Edhe këtë fundjavë Rruga e Kombit ka shënuar trafik të lartë.

Në hyrje të qytetit të Kukësit, në pjesën ku autostrada ngushtohet nga 4 në dy korsi radhët janë kilometrike.

Nga “Ura e Kukësit” deri tek fushorja e “Ish uzinës mekanike” kolonat janë të zgjatur.

Pjesa më e madhe e qytetarëve vijnë nga Kosova.

Nga shërbimet SPKMorinë,nga ora 08.00 e datës 24.08.2023 deri në orën 08.00 të datës 25.08.2023, janë raportuar:

-Janë përpunuar në hyrje për në RSH, 36,894 shtetas dhe 10,152 mjete.

Në dalje nga RSH, 24,448 shtetas dhe  6,768 mjete.

Ndërsa gjatë 24 orëshit të fundit numri i hyrje daljeve në Morin ka arritur në 76200 qytetar.

Bëhet me dije se në këtë pikë kufitare punohet me 12 sportele 6 në hyrje e 6 në dalje.

Falë marrëveshjes së lëvizjes së lirë mes Shqipërisë e Kosovës janë shmangur radhët në kufi.