E rëndë në Sarandë! Ashensori zë poshtë kamarierin 17-vjeçar, ndërron jetë në vend. 1 i arrestuar, në kërkim pronari i "Orange Club". EMRAT
Nga OraNews Përditësimi i fundit 26 Gusht 2023, 08:51
Një ngjarje e rëndë ka ndodhur në Sarandë ku ka humbur jetën një 17-vjeçar. Mësohet se viktima punonte kamerier në një lokal nate ne qytetin bregdetar.
Paraprakisht dyshohet se 17-vjeçari është aksidentuar nga ashensori. Ngjarja e rende ka ndodhur në “Orange Club”.
Në foto: Kamarieri 17-vjeçar që ndërroi jetë
Në pranga ka rënë montuesi i ashensorit Lulzim Allkushi, ndërkaq policia ka nisur punën për zbardhjen e plotë të rrethanave të ngjarjes, ndërsa thekson se është arrestuar menaxheri i klubit dhe është shpallur në kërkim pronari i klubit, 37-vjeçari Spiro Iliadhi.
Njoftimi i Policise Sarandë
Specialistët për Hetimin e Krimeve në Komisariatin e Policisë Sarandë arrestuan në flagrancë për veprën penale ”Shkelja e rregullave të mbrojtjes në punë”, shtetasin L.A., 43 vjeç, banues në Sarandë si dhe shpallën në kërkim shtetasin S.I., 37 vjeç, banues në Sarandë.
Arrestimi i 43-vjeçarit dhe shpallja në kërkim e 37-vjeçarit u bë pasi:
Rreth orës 01:15 minuta të mëngjesit të sotëm, në lagjen “Nr. 1", Sarandë, në lokalin në pronësi të shtetasit S. I., është këputur kavoja e ashensorit që përdorej kryesisht për furnizimin e lokalit, duke zënë poshtë shtetasin A. D., 17 vjeç, (ndihmës/kamarier në këtë lokal). Për pasojë, 17-vjeçari ka humbur jetën.
Nga veprimet hetimore të kryera ka rezultuar se 43-vjeçari i arrestuar kishte montuar ashensorin e lokalit ndërsa 37-vjeçari i shpallur në kërkim është pronari i lokalit dhe vijon puna intensive për kapjen e tij.
Materialet i kaluan Prokurorisë për veprime të mëtejshme për veprën penale “Shkelja e rregullave të mbrojtjes në punë” .
Orange Club dhe Spiro Iliadhi
