Hunjtë për guroren i kushtojnë mandatin deputetit të PS-së. Rrahman Rraja thirrje të birit të dorëzohet: Dështova si prind dhe ...
Nga OraNews Përditësimi i fundit 8 Korrik 2023, 15:03
Ka reaguar edhe deputeti i Partisë Socialiste, Rrahman Rraja lidhur me ngjarjen e rëndë që ndodhi në Fushë Krujë ku të afërm të tij rrahën brutalisht dy persona nga fisi Maja.
Ai shkruan se ai shkruan se ka një siklet ndaj atyre që e kanë besuar dhe i bën thirrje djalit të tij dhe të tjerëve të dorëzohen në polici.
Rraja: Nuk kam fjale per ta shprehur sikletin karshi te gjithe atyre qe me kane besuar gjithe keto vite. Fatkeqesisht une deshtova si prind dhe ndjehem i turpëruar publikisht nga femija im. Ju kerkoj ndjese shokeve dhe kolegeve te grupit parlamentar dhe deklaroj dorezimin e mandatit te deputetit dhe terheqjen time nga jeta politike. Ju kerkoj ndjese atyre qe me kane dhene voten prej vitit 2000 si kryetar komune dhe prej 2 mandatesh si deputet.
Ju kerkoj ndjese viktimave te asaj dhune turperuese për familjen time. I bej thirrje djalit tim te dorezohet para drejtesise. Zoti me dhente force qe ta perballoj kete dhimbje te madhe dhe jete qe ta shlyej kete turp qe me la mbi shpatulla si gur im bir. Ne fund mirenjohje dhe ndjese edhe kryetarit te partise dhe kryeministrit, i cili nuk me kishte asnje borxh per kete shqetesim kaq te madh publik qe i shkaktova.
