Rivotime në Rrogozhinë, anulohet kutia e burgut, Kolegji: Memolla e Hoxha sërish në zgjedhje
Nga Mola Luku Përditësimi i fundit 15 Qershor 2023, 17:47
Zgjedhësit e Rrogozhinës do ti drejtohen sërish kutive të votimit për të vendosur mes Edison memollës së PS dhe Shkëlqim Hoxhës së opozitës. Kolegji i ka dhënë fund debatit për njohjen e 102 votave në burgun e qytetit, duke vendosur rizhvillimin e zgjedheve. Në 14 maj gara u nda me 21 vota në favor të selisë rozë
Rrogozhina do të hyjë sërish në zgjedhje. Vendimi është marrë nga kolegji zgjedhor, pasi procesi kaloi të gjithë shkallët e ankimeve.
Shkak është bërë debati për një kuti e votimit në burgun e rrogozhinës e cila rezultoi se ishte në të fundit që vulosi fituesin në 14 maj. Fillimisht kandidati i Partisë Socialiste Edison Memolla fitoi me një diferencë prej 30 votash ndaj Shkëlqim Hoxhës së koalicionit bashkë fitojmë.
Kanë qenë përfaqësuesit e opozitës që kërkuan në kas rinumërim të fletëve me argumentin se shumë prej votave pro të Hoxhës nuk ishin shënuar saktë.
Në përfundim të procesit gara u kufizua me 21 vota, ndërsa Komisioni i ankesave dhe Sanksioneve refuzoi të konsideroi votat në burgut të rrogozhinës të pavlefshme. Në të 92 ishin pro Partisë Socialiste e 12 për opozitën
Vendimi i KAS shkoi në kolegjin zgjedhor e ky I fundit tashmë vendor rivotime që do të duhet të realizohen brenda 45 ditëve dhe për këtë do të duhet që presidenti të përcaktojë datën kur palët do ti drejtohen votimeve.
Dokumenta bashkëngjitur
