Mbi 2200 të ftuar nga 203 vende marrin pjesë në ceremoninë e kurorëzimit të mbretit Charles
Nga OraNews Përditësimi i fundit 1 Maj 2023, 20:16
Në shërbimin në Westminster Abbey të shtunën do të marrin pjesë fitues të çmimit Nobel, përfaqësues fetarë, krerë shtetesh.
Më shumë se 2200 njerëz do të marrin pjesë në kurorëzimin e mbretit Charles, njoftoi sot Buckingham Palace.
Këtu përfshihen përfaqësues ndërkombëtarë nga 203 vende, si dhe punonjës të komunitetit dhe bamirësisë.
Charles, i cili u bë monark i Mbretërisë së Bashkuar dhe 14 vendeve të tjera të Komonuelthit (Kanada, Australia, Zelanda e Re, Xhamajka, Bahamas, Grenada, Papua Guinea e Re, Ishujt Solomon, Tuvalu, Saint Lucia, Saint Vincent dhe Grenadinet, Antigua dhe Barbuda , Belize dhe St. Kitts) pas vdekjes së nënës së tij, Mbretëreshës Elizabeth në shtator, do të kurorëzohet zyrtarisht më 6 maj në Westminster Abbey në Londër në një ceremoni plot luks, simbolikë dhe rëndësi fetare.
Në shërbimin në Westminster Abbey të shtunën më 6 maj do të marrin pjesë edhe fitues të çmimit Nobel, përfaqësues fetarë, krerët e shteteve dhe ministrat e jashtëm, tha Pallati Mbretëror.
Përveç këtyre të ftuarve, 400 të rinj që përfaqësojnë bamirësi do të marrin pjesë në ceremoninë e kurorëzimit dhe procesionet në Kishën e Shën Margaretës, ngjitur me Abbey.
