Kandidatja për kryeministre në Tajlandë lind dy javë para zgjedhjeve
Nga OraNews Përditësimi i fundit 1 Maj 2023, 18:55
Në prag të zgjedhjeve në Tajlandë , Paetongtarn Shinawatra ka sjellë në jetë djalin e saj.
36-vjeçarja Paetongtarn, e cila është vajza më e vogël e ish-kryeministrit Thaksin Shinawatra, postoi një foto të tij dhe djalit të saj në rrjetet sociale të hënën. Siç tha ajo, do të flasë për media sapo të rifitojë forcat.
Sondazhet e vendosin atë të parën ose të dytën në preferencat e qytetarëve , falë edhe reputacionit të mirë që ka ende i ati në zonat rurale në veri dhe veriperëndim të vendit.
Partitë e lidhura me familjen e saj kanë fituar shumicën e vendeve në çdo zgjedhje që nga viti 2001, megjithatë ato kundërshtohen nga ushtria.
Babai 74-vjeçar i kandidates u rrëzua në një grusht shteti në vitin 2006 dhe motra e tij, gjithashtu kryeministre, në një tjetër grusht shteti në vitin 2014. Të dy tani jetojnë në mërgim të vetë-imponuar larg vendit.
Paetongtarn mohon se qëllimi i saj është që babai i saj të kthehet në Tajlandë. Edhe pse ajo ka një shans të madh për të fituar, është e vështirë – nëse jo e pamundur – të marrësh mbështetjen e saj nga 250 senatorët e emëruar nga ushtria, të cilët kanë një rol në zgjedhjen e kryeministrit.
