Ku është ish-zonja e parë? Melania mungon në gjyqin e Donald Trump, a jemi në divorc?
Nga OraNews Përditësimi i fundit 5 Prill 2023, 19:01
Ku është Melania Trump?
Mungesa e ish-Zonjës së Parë në mitingun e Donald Trump në Mar-a-Lago, pak orë pas paraqitjes historike në oborrin e Manhattan-it nuk kaloi pa u vënë re dhe tabloidët, veçanërisht ata britanikë, spekulojnë se për ish-çiftin presidencial divorci është gjithnjë e më afër.
Kriza mes Donaldit dhe Melanias sigurisht që nuk ka nisur këto ditë.
Që prej përfundimit të mandatit të manjatit në Shtëpinë e Bardhë, mediat kishin spekuluar për faktin se ish-modelja 49-vjeçare kishte vendosur të bënte një jetë të ndarë nga i shoqi dhe të fokusohej ekskluzivisht tek djali i saj Barron, tashmë 17 vjeç.
Por goditja finale do të vinte me aktakuzën e ish-presidentit për pagesat ndaj yllit të pornos Stormy Daniels.
Donald Trump u përfshi në aferën Stormy Daniels vetëm katër muaj pasi u martua me Melania dhe ndërsa ajo ishte shtatzënë.
Sikur të mos mjaftonte tradhëtia me aktoren, një tjetër lidhje me ish-lepurushen e Playboy, Karen McDougal dhe një fëmijë i dyshuar jashtëmartesor doli gjithashtu nga dokumentet e aktakuzës.
“Zonja Trump është e fortë, e fokusuar tek familja e saj dhe duke e mbështetur burrin e saj siç ka bërë gjithmonë”, thanë dy burime për Daily Mail.
Por, përveç paraqitjes në darkë në resort përkrah ish-presidentit mbrëmjen e aktakuzës, e mbështjellë me një fustan të kuq të zjarrtë, Melania është zhdukur nga radarët.
Ajo nuk ishte as në listën e pasagjerëve të fluturimit privat që solli manjatin në Nju Jork.
Disa orë më vonë, u shfaq në Kullën Trump si gjithmonë shumë elegante me një pallto ngjyrë kremi dhe syzet e diellit gjithmonë të pranishme, ndërsa bashkëshorti i saj ishte ulur në bankën e të akuzuarve në gjykatën e Manhatanit disa kilometra më larg.
Pastaj të gjitha gjurmët e saj u humbën përsëri.
Ajo nuk zbriti nga avioni në Florida, nuk u shfaq në sallën e Mar-a-Lago për të dëgjuar fjalimin e të shoqit dhe ai nuk e përmendi kur falenderoi familjen.
Nëse thashethemet e ndarjes konfirmohen, Trump do të vendosë një tjetër rekord.
Ai jo vetëm që do të jetë ish-presidenti i parë amerikan që do të paditet, por edhe i pari që do të divorcohet.
Dhe kjo nuk është një lajm i mirë për atë pjesë të votuesve të tij super të krishterë.
Mungesa tjetër e madhe në Mar-a-Lago ishte vajza dhe ish-këshilltarja e parë Ivanka, e cila mbeti në Miami me bashkëshortin Jared Kushner dhe fëmijët e tyre.
Ajo kishte njoftuar pak kohë më parë se donte të bënte një hap prapa nga jeta publike dhe nuk donte ta ndiqte manjatin në aventurën e dytë politike.
Të enjten, pas lajmit për aktakuzën, ajo lëshoi një deklaratë të prerë në të cilën tha se "e do babanë e saj" dhe Shtetet e Bashkuara.
Por duket se ajo nuk ka folur më me Trump që atëherë.
