Meta: Qeveria po largon të rinjtë, vota e tyre mesazhi më i fortë kundër shpopullimit
Nga OraNews Përditësimi i fundit 30 Mars 2023, 17:26
Përmes një postimi në Facebook, kreu i Partisë së Lirisë, Ilir Meta shkruan se partia e tij do të bëjë gjithçka që të rinjtë ta ndërtojnë të ardhmen e tyre në Shqipëri.
Ai shton se vetë vota e të rinjve dhe veçanërisht atyre që votojnë për herë të parë është mesazhi më i fortë që ata do të japin kundër shpopullimit.
Meta: Nëse kjo qeveri po bën çdo gjë që të rinjtë të largohen nga vendi, ne do të bëjmë gjithçka që të rinjtë tanë ta ndërtojnë të ardhmen e tyre në Shqipëri.
Ndryshim më 14 Maj, që të rinjve dhe të rejave të Shqipërisë t’u rikthehet shpresa. Dhe vetë vota e të rinjve, dhe veçanërisht atyre që votojnë për herë të parë është mesazhi më i fortë që ata do të japin kundër shpopullimit. Tirana u përket të rinjve! Shqipëria u përket të rinjve! Bashkë Fitojmë!
