Të shtëna me armë në Shkodër, qëllohet në ajër. Efektivi lajmëron policinë
Nga Bepin Kolvataj Përditësimi i fundit 28 Mars 2023, 21:36
Të shtëna me armë zjarri raportohet të kenë ndodhur në ByPassin e Shkodrës.
Burime për Ora News bëjnë me dije se është qëlluar në ajër. Ka qënë një efektiv policie i zonës që ka lajmëruar policinë.
Paraprakisht nuk raportohet për të lënduar.
"Rreth orës 20:05, në lagjen “Guerrile”, afër livadheve, një shtetas ende i paidentifikuar ka qëlluar me armë zjarri, në ajër.
Shërbimet e Policisë kanë shkuar menjëherë në vendngjarje, kanë ngritur pika kontrolli, si dhe vijon krehja e zonës, për të bërë të mundur kapjen e autorit," njoftoi policia.
Grupi hetimor vijon punën për zbardhjen e rrethanave të ngjarjes.
