Po transportonte 4 emigrantë, arrestohet në Sarandë 19 vjeçari
Nga OraNews Përditësimi i fundit 26 Mars 2023, 11:11
Një 19 vjeçar është arrestuar nga policia në Sarandë pasi po transportonte me automjetin e tij 4 emigrantë të paligjshëm.
Shërbimet e Policisë Kufitare në Sarandë, në bashkëpunim me shërbimet e FRONTEX-it dhe shërbimet e Komisariatit të Policisë Sarandë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, kanë konstatuar një rast tjetër të kësaj veprimtarie.
"Si rezultat, u arrestua në flagrancë shtetasi Kajtaz Braho 19 vjeç, banues në Sarandë, për veprën penale “Ndihma për kalim të paligjshëm të kufijve”.
Ky shtetas u kap në flagrancë, në aksin rrugor “Çukë-Dritas”, duke transportuar me automjet, kundrejt përfitimit, 4 emigrantë, me qëllim kalimin e paligjshëm të kufirit," njoftoi policia.
Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme.
