Aksidenti me pasojë vdekjen në Laç, identifikohet i riu që humbi jetën
Nga OraNews Përditësimi i fundit 26 Mars 2023, 09:51
Një person humbi jetën dhe një tjeter u plagos rëndë, pasi automjeti më të cilin udhëtonin doli nga rruga dhe u përmbys në një parcelë.
Aksidenti ndodhi rreth orës 5 e 50 minuta të mëngjesit të së dielës në aksin e vjetër rrugor Laç-Mamurras, pranë fshatit Gjorm të Kurbinit.
Nga aksidenti gjeti vdekjen Alban Miloti si dhe mbeti i plagosur Elvis Doçi. Ky i fundit u dërgua me urgjencë për ndihmë mjekësore në Spitalin e Traumës në Tiranë, nga ku mësohet se ndodhet nën kujdesin e bluzave të bardha jashtë rrezikut për jetën.
Dy të rinjtë udhëtonin më një automjet tip "Volkswagen" me targë AA642IK, drejtuesi i së cilit humbi kontrollin dhe doli jashtë rruge.
Policia e cila mbëriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti që paraprakisht dyshohet të ketë ndodhur nga shpejtësia tej normave të lejuara.
