37 tituj për Skënderbeun, ekspozohen në Boston vepra për historinë e Heroit Kombëtar
Nga OraNews Përditësimi i fundit 20 Mars 2023, 16:22
Ndër emrat më të mëdhenj që përfaqëson denjësisht vendin është padiskutim Gjergj Kastrioti Skënderbeu.
Shumë studime dhe vepra të botuara për Heroin Kombëtar që së fundmi është shfaqur në kishën e Fan Nolit në Boston të SHBA-ve.
Janë plot 37 tituj të vjetër të ekspozuar të vitve 1510-1800,botime që janë ruajtur me kujdes nga koleksionistja angleze Patricia Nugee.
Këto libra flasin për historinë e Skënderbeut dhe janë të shkruara në 12 gjuhë të botës.
Në mesin këtij thesari të ruajtur nga koleksionistja private Nugee u ekspozua edhe fjalori i parë shqiptar i shkruar nga Frang Bardhi dhe i botuar në Romë me 1635.
Në fjalën e saj, mes tjerash, znj.Nugee tha se ardhmja e këtij koleksioni të çmuar do të perfundojë në shtëpinë e Skenderbeut, sic e quajti ajo, Muzeun e Krujës në Shqipëri.
Ky koleksion i jashtëzakonshëm mbi vendin dhe Heroin tonë Kombëtar në historinë dhe letrat europiane është në testament i pashoq që Patricia po i lë Shqipërisë.
