VIDEO/ "Unë jetoj këtu prej një viti," Zelenski tregon dhomën në zyrën e tij

Nga OraNews Përditësimi i fundit 25 Shkurt 2023, 21:29

Presidenti Volodymyr Zelensky ka treguar dhomën në zyrën e tij, ku ai ka jetuar që kur rusët pushtuan Ukrainën, duke folur me gazetarin ukrainas Dmytro Komarov.

"Unë jetoj këtu për një vit," thotë Presidenti ukrainas Volodymyr Zelensky, duke zbuluar dhomën në të cilën ai ka qëndruar gjatë luftës.

Siç shihet në video, Zelensky tregon veshjet e tij dhe rrobat që vesh, nga uniformat ushtarake e deri te kostumi i tij. “Nuk vesh më kostume”, shpjegoi presidenti ukrainas.

Në fakt, ai tregoi një kostum duke thënë: “Ky është një simbol që lufta do të përfundojë së shpejti, ne do të fitojmë. Është simbol i fitores, pret fitoren”.

Zelensky nuk e fshehu se gjatë sulmeve me raketa ruse, ai dhe familja e tij u dërguan disa herë në streha për të mos rrezikuar jetën e tyre.

“Unë e dua familjen time, por për mua, si president, të qenit këtu ishte prioritet”, tha ai.

Dje presidenti ukrainas u ka drejtuar një mesazh rezistence banorëve të vendit të tij, me rastin e përvjetorit të parë të pushtimit rus, duke theksuar se “do t’i mposhtim të gjithë”.

Në videon e publikuar me titullin “viti i pamposhtur”, 45-vjeçari Zelensky shihet i ulur në tavolinën e tij. Ai kujton se si iu drejtua ukrainasve një vit më parë në një njoftim të nxituar kur filloi pushtimi i vendit nga Rusia.

“Një vit më parë, në këtë ditë, nga i njëjti vend, rreth orës 7 të mëngjesit ju drejtova me një njoftim të shkurtër që zgjati vetëm 67 sekonda”, thotë Zelensky në videon 15-minutëshe.