Kimikatet sheshit, 12 ditë pas daljes së trenit nga shinat, banorët e Ohajos të frikësuar
Nga OraNews Përditësimi i fundit 16 Shkurt 2023, 10:47
Qyteti i Ohajos në Palestinën Lindore është në panik të plotë për shkak të pasojave që shkaktoi dalja e një treni nga shinat, i cili po transportonte kimikate toksike. Edhe pse zyrtarët kanë konfrimuar se vendi është i sigurt ngrodhja në masë e bagëtisë dhe shqetësimet shëndetësore të qytetarëve i kanë konfuzuar ata.
12 ditë pasi treni që transportonte kimikate toksike doli nga shinat, banorët në qytetin e vogël të Ohajos në Palestinën lindore ngrenë alarmin për mungesën e sigurisë.
James Figley, 63 vjeç i cili jeton vetëm disa blloqe nga vendi i aksidentit shprehet se situata paraqitet dramatike.
Kishte një seri shpërthimesh të njëpasnjëshme dhe një aromë e tmerrshme po ndihej gjithandej tha ai.
Banorët u panikosën për shkak të zjarrit, ndërkohë që një shtëllungë tymi toksik u ngrit mbi qytet, pasi zyrtarët dogjën për efekte sigurie një kimikat të rrezikshëm.
Gjatë ditëve në vijim, përrenjtë u mbushën me mijëra peshq të ngordhur. Banorët raportuan ngordhjen e qindra kafshëve, kryesisht të pulave, ndërsa kafshët shtëpiake u sëmurën. Vetë banorët ankoheshin për dhimbje koke, djegje të syve dhe dhimbje të forta fyti.
Zyrtarët shtetërorë dhe federalë, i kanë siguruar banorët se toka është pastruar por përballë asaj që kanë parë banorët ndihen të konfuzuar. Ekspertët e mjedisit dhe shëndetit vënë në pikëpyetje sigurinë e qytetit, ndërsa në mëdiat sociale qarkullojnë lajmet se banorëve po u fshihet e vërteta.
