Muzeumet e luksit në Katar, fortesa arkitekturore që strehon koleksionin me 300 automjete
Nga Besmira Pelushaj Përditësimi i fundit 31 Janar 2023, 13:17
Katari njihet ndryshe si kryeqyteti i artit të Gadishullit Arabik. Materiali në vijim ju njeh me muzeun e veçantë të një prej sheikëve që koleksionon makina luksoze.
Katari numëron një sërë muzesh arkitekturor të mrekullueshëm në përpjekjen e tij për t'u njohur si kryeqyteti i artit në Gadishullin Arabik. Shumica e muzeve kryesore të vendit të Gjirit, janë hapur ose rinovuar gjatë dekadës së fundit.
Ndër më të veçantët mbetet Muzeu i Sheikut Faisal Bin Qassim Al Thani, që është një fortesë e artefakteve historike të Aladdinit të mbledhura nga katër kontinente.
Ndonjëherë ato shfaqen në mënyrë konfuze së bashku me vepra arti me pamje amatore dhe kuriozitete të rastësishme, mungesa e informacionit interpretues i lë shumë vend imagjinatës këtu.
Megjithatë, ka shumë vepra të çmuara për t'u zbuluar, duke përfshirë një koleksion mbresëlënës të kuraneve dhe një shtëpi tradicionale damaskenë me pllaka të hollë dhe rrjetë.
Vizitorët që kërkojnë dhomën e Sadam Huseinit do të zbulojnë se ekspozita e diskutueshme nuk është më e hapur për publikun. Por fansat e makinave klasike nuk do të mbeten të zhgënjyer, me rreth 300 automjete nga koleksioni i jashtëzakonshëm i sheikut të ekspozuara në një hapësirë të madhe.
Tre institucione të tjera të artit, të planifikuara për të zgjeruar ofertat kulturore të Katarit, janë menduar të ndërtohen deri në vitin 2030: Muzeu Lusail që shfaq koleksionin orientalist të muzeve të Katarit; Muzeu i Mullirit të Artit i fokusuar në artin bashkëkohor, dhe Muzeu Automatik i Katarit që tregon fiksimin e vendit me makinat luksoze.
