Kënga diss e Shakirës thyen rekorde shikueshmërie në YouTube
Nga OraNews Përditësimi i fundit 13 Janar 2023, 21:26
Një këngë nga Shakira për ish-partnerin e saj Gerard Pique për tradhtinë e tij ka thyer rekorde në YouTube.
Videoja e Out of Your League është shikuar më shumë se 63 milionë herë në 24 orë, duke e bërë atë këngën latine më të ndjekur në atë periudhë kohore.
Shakira, 45 vjeç, u nda nga ish-futbollisti i Barcelonës, Pique, 35 vjeç, në vitin 2022 pas më shumë se 10 vitesh së bashku.
Dyshja kanë edhe dy fëmijë së bashku.
Kjo këngë pop katër minutëshe është hera e parë që Shakira dhe producenti argjentinas dhe DJ Bizarrap kanë punuar së bashku.
Shakira i bashkohet listës së shenjtë të interpretuesve latinë për të thyer rekorde në YouTube - duke përfshirë J Balvin, Luis Fonsi dhe Daddy Yankee.
Dyshja lëshuan një deklaratë kur u ndanë në qershor të vitit të kaluar, duke thënë se ata po fokusoheshin në bashkë-prindërimin e fëmijëve të tyre Milan, nëntë vjeç dhe Sasha, shtatë vjeç.
