Infektimet në Kinë, shkencëtarët druhen për mutacione të reja të virusit

Nga Ora News Përditësimi i fundit 29 Dhjetor 2022, 11:49

Një rritje e rasteve të koronavirusit në Kinë , ndërsa vendi po heq masat e tij " zero COVID ", mund të krijojë terren pjellor për shfaqjen e varianteve të reja të mutuara të virusit, paralajmërojnë ekspertët e shëndetësisë.

Kina ka njofttuar përfundimin më 8 janar të karantinës së detyrueshme pas mbërritjes në vend, që shihet si fundi i politikës së saj të rreptë të kontrollit që e ka mbajtur vendin kryesisht të mbyllur nga bota që nga shpërthimi i pandemisë.

Ndërsa qeveria ka ndaluar publikimin e numrit të rasteve të reja brenda një dite, zyrtarët në disa qytete vlerësojnë se qindra mijëra njerëz janë infektuar kohët e fundit, ndërsa spitalet dhe krematoriumet në të gjithë vendin janë të tensionuar.

Ndërsa virusi tani qarkullon lirshëm në Kinë, e cila ka gati një të pestën e popullsisë së botës, disa vende dhe ekspertë kanë frikë se vendi mund të bëhet një terren pjellor për shfaqjen e varianteve të reja të mutuara të koronavirusit të ri. Sidomos pasi popullsia kineze është ende e pa vaksinuar .

Çdo infeksion i ri rrit shanset që virusi të ndryshojë, prandaj vlerëson Antoine Flao, drejtor i Institutit Global të Shëndetit në Universitetin e Gjenevës. 

“Fakti që 1.4 miliardë njerëz janë të ekspozuar papritur ndaj SARS-CoV-2 krijon padyshim kushte të favorshme për shfaqjen e varianteve”, tha ai për AFP.

Bruno Lina, profesor i virologjisë në Universitetin Francez të Lionit, tha në të njëjtën kohë për gazetën La Croix se " duke pasur parasysh qarkullimin intensiv të virusit dhe për rrjedhojë rritjen e rrezikut të mutacioneve , një terren i mundshëm mbarështues për virusin mund të lindë nga Kinë".

Soumiya Swaminathan, e cila ishte shkencëtarja kryesore e Organizatës Botërore të Shëndetësisë (OBSH) deri në nëntor, tha gjithashtu se shumica e popullsisë kineze është e cenueshme, pjesërisht sepse shumë të moshuar nuk janë vaksinuar. 

"Ne duhet ti kemi nën vëzhgim çdo shfaqje të llojeve mutante," tha ajo.