VIDEO/ Grabitësit bëjnë namin në Buffalo pas stuhisë, pronarët mbrojnë dyqanet me shkopinj në duar
Nga Ora News Përditësimi i fundit 29 Dhjetor 2022, 09:50
Buffalo ka rënë në kaos pasi stuhia e shekullit vrau 31 njerëz dhe shkaktoi plaçkitje në të gjithë qytetin, duke i lënë pronarët e dyqaneve të kujdesen për veten e tyre.
Dhjetra video të postuara në internet tregojnë hajdutë të pacipë duke përfituar nga kaosi, ndërsa tetë persona janë arrestuar deri më tani.
Departamenti ndau një seri videosh të dyqaneve të plaçkitura në të gjithë qytetin, pasi u shfaqën gjithashtu video të pronarëve të dyqaneve që sulmonin vetë grabitësit duke i mbrojtur dyqanet e tyre me shkopinj në duar.
Një i ri ka humbur jetën pasi doli të blinte ushqime mes stuhisë ndërsa la gruan shtatzënë me miqtë dhe familjen në shtëpi.
Fatkeqësisht, ai nuk u kthye në shtëpi dhe familja e tij ndau lutjet e dëshpëruara në mediat sociale për ta ndihmuar në gjurmimin e tij.
Sharifu, i cili erdhi në Buffalo në vitin 2017 për të nisur një jetë të re me gruan e tij, u gjet i vdekur, i shtrirë në dëborë, më 26 dhjetor.
Zyrtarët thanë se 26-vjeçari ngriu për vdekje pasi braktisi makinën e tij në Main Street dhe u përpoq të shkonte në shtëpi.
