Zelensky: Ukrainasit nuk e presin mrekullinë e Krishtlindjes, ata e krijojnë vetë
Nga OraNews Përditësimi i fundit 24 Dhjetor 2022, 22:57
Ukrainasit do të bëjnë mrekullinë e tyre të Krishtlindjes, duke treguar se mbeten të palëkundur pavarësisht sulmeve ruse që kanë zhytur miliona në errësirë, siguroi presidenti ukrainas Volodymyr Zelensky në mesazhin e tij sot.
Pikërisht dhjetë muaj pasi Rusia pushtoi vendin e tij, Zelensky tha se ndërsa çmimi i lirisë është i lartë, skllavëria do të kushtonte edhe më shumë.
“Ne duruam fillimin e luftës, duruam sulmet, kërcënimet, shantazhet bërthamore, terrorizmin, sulmet me raketa. Do ta durojmë këtë dimër sepse e dimë se për çfarë po luftojmë”, theksoi ai.
Që nga tetori, sulmet e vazhdueshme me raketa dhe dron ruse kanë shkaktuar dëme të mëdha në sistemin e prodhimit të energjisë, duke lënë qytetet e mëdha pa ujë dhe ngrohje.
Zelensky i bëri këto deklarata duke iu drejtuar ukrainasve që festojnë Krishtlindjet në dhjetor.
Shumica e ukrainasve janë ortodoksë, por ndjekin kalendarin e vjetër dhe festojnë në fillim të janarit.
“Edhe në errësirë totale, ne do ta gjejmë njëri-tjetrin për t'u përqafuar fort. Dhe nëse nuk ka ngrohje, do të përqafohemi për një kohë të gjatë për të ngrohur njëri-tjetrin. Ne do të buzëqeshim dhe do të jemi të lumtur, si gjithmonë. Me një ndryshim: nuk do të presim mrekullinë, sepse e krijojmë vetë”.
Mesazhi rreth 9 minuta i gjatë, u filmua jashtë natës me një pemë Krishtlindjeje në sfond dhe vetëm disa drita të dukshme.
Zelensky vuri në dukje se ushtarët ukrainas po luftojnë në rajonin e Donbasit, ndërsa të tjerët janë të zhvendosur brenda vendit ose kanë ikur jashtë vendit për t'i shpëtuar rusëve.
“Ne i luftojmë ata për më shumë se 300 ditë e tetë vjet. A do t'i lëmë të marrin atë që duan?' përfundoi ai, duke iu referuar aneksimit të Krimesë në vitin 2014.
