Një kuti me dhëmbë dhe mbushje ari…tutje një maskë gazi. Imazhet e tmerrshme nga dhoma e torturave e ushtarëve rusë

Nga OraNews Përditësimi i fundit 5 Tetor 2022, 19:14

E neveritshme dhe çnjerëzore ishte pamja që zyrtarët ukrainas dëshmuan në një qytet, të cilin e çliruan fundmi nga forcat ruse.

Një kovë me dhëmbë dhe mbushje ari e të burgosurve ukrainas u gjet në një dhomë të përdorur nga rusët si dhomë torture.

Atje ata varrosën të gjallë armiqtë e tyre, qytetarët e thjeshtë dhe ushtarët, siç pretendojnë zyrtarët ukrainas.

Civilët e pafat thuhet se u detyruan të mbanin maska ​​​​gazi me një leckë të djegur brenda, ndërsa të tjerët u varrosën të gjallë, thanë zyrtarët ukrainas.

Metodat çnjerëzore të rusëve që të kujtojnë praktikat e Guantanamos po dalin në dritë pas avancimit të forcave ukrainase në jug dhe veri të vendit dhe rimarrjes së pjesës më të madhe të territorit të saj nga rusët.

Zbulimi i tmerrshëm u bë në qytetin Pisky-Radkivskyi në Ukrainën veriore, rreth 15 milje në lindje të qytetit të Izium.

“Ky është një shembull tjetër i ushtarëve rusë që torturojnë dhe ekzekutojnë civilë në zonat e pushtuara të vendit, pas zbulimit të varreve masive në Bucha, Irpin dhe Izium”, komenton gazeta britanike Daily Mail.

Dhjetra dhoma torture u zbuluan në Izium, shpesh të vendosura në bodrumet e ndërtesave të braktisura qeveritare.

Në disa, trupat e të burgosurve ukrainas u gjetën me duar të lidhura me zinxhirë dhe plumba në gjunjë ose në pjesën e pasme të kokës.

Rrëfimet e të mbijetuarve janë tronditëse, pasi ata përshkruajnë të mbajtur për javë të tëra dhe të torturuar gjatë marrjes në pyetje.

Ndaj tyre u përdor dhe elektroshoki, në mënyrë që ata të tradhëtonin vendin dhe të zbulonin emrat e vendasve të lidhur me ushtrinë apo qeverinë.

Dhoma e re e torturës u zbulua nga Serhii Bolvinov, kryehetues në rajonin e Kharkiv, ku ndodhet qyteti i Piski-Radkivskiy.

“Fqinjët dëgjonin vazhdimisht britma. Hetuesit gjetën një dhomë të tmerrshme torture në fshat. Policia është vënë në dijeni për praktikat e forcave ruse. Në dhomën e torturës u gjetën edhe një vibrator dhe një kuti me dhëmbë të hequr”.

Pasi një sulm në Kharkiv muajin e kaluar ktheu pothuajse të gjithë provincën përsëri në kontrollin ukrainas, trupat po i shtyjnë rusët nga zonat e fundit që ata mbajnë shumica e tyre në lindje të lumit Oskil.

Piski-Radkivski është në të njëjtën zonë, në lindje të Oskilit. Dje, të paktën dy qytete u çliruan nga rusët.