Banka e fundit, oficeri i Marinës pas një serie grabitjesh: Jam i varur nga bixhozi, më duheshin paratë
Nga OraNews Përditësimi i fundit 24 Shtator 2022, 20:34
Një nënoficer aktiv i Marinës greke është identifikuar si grabitësi i degës së një banke mesditën e djeshme në zonën e Colonos.
41-vjeçari, i martuar me dy fëmijë, ka kërcënuar me armë klientët dhe punonjësit dhe ka rrëmbyer nga arkat 7960 euro.
Më pas ai u arratis pa e ditur se oficerët e Departamentit të Grabitjes kishin qenë në gjurmët e tij prej një kohe të gjatë dhe po vëzhgonin lëvizjet e tij.
Brenda dy orësh ata e gjetën në Peristeri dhe e prangosën. Pak më vonë, në katin e 11-të të Sigurimit të Atikës, dyshohet se ai u ka thënë se “ishte i varur nga bixhozi dhe bastet” dhe për pasojë kishte nevojë për para.
Sipas hetimeve të policisë, kreu i grupit akuzohet për pesë raste të grabitjes në banka dhe një në një postë. Vlera e grabitur në total përllogaritet mbi dyzet mijë euro.
Aksioni i tij filloi në fund të qershorit 2021 dhe bankat e tij "të preferuara" ishin degët në Dekelias Avenue në Neë Philadelphia dhe në rrugën Dyrrachio në Kolonos.
Në kontrollin e kryer në shtëpinë e tij dhe në motoçikletën që ka përdorur si mjet arratisjeje, janë gjetur dhe konfiskuar:
-Një pistoletë
-7960 euro
-maskë mbrojtëse prej pëlhure
-syze dielli
-veshjet e përdorura gjatë kryerjes së grabitjeve
41-vjeçari u dërgua në prokurori nga ku mori afat deri të mërkurën e ardhshme për të kërkuar falje.
