Nafta në bursë në nivelet e para luftës, Ibrahimaj mbron Bordin: Transparent, madje ka shtyrë mbledhjen në rastet e rritjes së çmimit në bursë
Nga OraNews Përditësimi i fundit 22 Gusht 2022, 11:30
Ministrja e Ekonomisë dhe Financave Delina Ibrahimaj, në një dalje për mediat tha e bordi i ngritur për rritjen e kontrollit të çmimit të karburanteve është transparent.
Brahimaj tha se Bordi mundohet të shtyjë mbledhjen kur ka raste të rritjes së çmimit në bursë.
Ajo tha në asnjë rast bordi nuk është mbledhur në kundërshtim me rritjen apo uljen e çmimeve, teksa u pyet se përse bordi nuk e ul çmimin e naftës, ndërkohë që në bursë ka shkuar në nivelet e para luftës.
“ Bordet e çmimeve, ju ftoj që të analizoni çmimet e bursës për produktet që janë nën ombrellën e bordit dhe jo për naftën bruto që ka lëvizje të ndryshme nga ajo e rafinuara. Në asnjë rast bordi nuk është mbledhur në kundërshtim me rritjen apo uljen e çmimeve. Mund të ju siguroj që ka ndodhur e kundërta, me pasqyrimin e uljeve të çmimeve në bursat ndërkombëtare për produktin që tregtohet në vend. Bordi mundohet ta shtyjë mbledhjen kur kemi raste të rritjes së çmimit në burse. Ju ftoj që të analizoni dhe mos e dezinformoni opinionin publik.”, tha ajo.
