Japoni/ Atentat ndaj ish-kryeministrit (Video)
Nga Amado Çela Përditësimi i fundit 8 Korrik 2022, 08:00
Një ngjarje e rëndë ka ndodhur në Japoni, ku ish-kryeministri më jetëgjatë i vendit është qëlluar duke mbajtur një fjalim publik nga një person që gjendej i pranishëm gjatë fushatës.
Ish-kryeministri i Japonisë, Shinzo Abe, u qëllua me armë zjarri gjatë një fjalimi politik në kuadër të fushatës për zgjedhjet e ardhshme parlamentare në qytetin Nara.
67-vjeçari raportohet se ka humbur jetën herët.
Sipas disa raportimeve, autori i dyshuar i sulmit u vu në pranga nga policia, ai dyshohet se ka shërbyer pranë forcave të vetëmbrojtjes së Marinës Japoneze.
Ngjarjet me armë zjarri në Japoni janë shumë të rralla për shkak se ato janë të ndaluara rreptësisht.
Abe ka thyer rekordet si kryeministri më jetëgjatë i Japonisë.
Ai ka shërbyer si kreu i qeverisë në vitin 2006, për t’u rikthyer sërish në vitin 2012, kur qëndroi në pushtet deri në vitin 2020.
Në këtë vit, ai dha dorëheqjen për arsye shëndetësore.
Konservatori ka qenë i njohur për qëndrimet e tij të ashpra ndaj mbrojtjes dhe politikës së jashtme japoneze, ku ka kërkuar që Tokio të hiqte dorë nga qëndrimi pacifist i pasluftës, me qëllim armatosjen e shtetit monarkik.
Iniciativat e tij kanë prodhuar incidente armiqësore me Kinën dhe Korenë e Veriut.
Megjithatë ai mbahet mend si kryeministri i pasfidueshëm edhe pas disa skandaleve dhe kritikave gjatë udhëheqjes së tij.
