Presidenti i ri i Somalisë zgjidhet nga 327 persona
Nga OraNews Përditësimi i fundit 16 Maj 2022, 07:43
Ish udhëheqësi i Somalisë, Hassan Sheikh Mohamud është zgjedhur president pas një votimi përfundimtar që ishte i hapur vetëm për deputetët e vendit.
Ai mundi presidentin aktual, Mohamed Abudallahi Farmajo, i cili ka qenë në detyrë që nga viti 2017.
Votimi u kufizua në 328 deputetë të Somalisë për shkak të shqetësimeve të sigurisë për mbajtjen e një zgjedhjeje më të gjerë, njëri prej tyre nuk votoi.
Mohamud mori 214 vota, duke mposhtur Farmajo, i cili fitoi 110 vota. Tre deputetë raportohet se i kanë prishur fletëvotimet.
Rrethanat e pazakonta nxjerrin në pah çështjet e sigurisë së Somalisë, si dhe mungesën e llogaridhënies demokratike.
Rezultati shënon një rikthim për Hassan Sheikh Mohamud, i cili shërbeu si president i Somalisë midis 2012 dhe 2017 përpara se të mposhtej nga Farmajo.
Mohamud u betua menjëherë pas shpalljes së rezultateve përfundimtare, duke bërë që mbështetësit në kryeqytet të brohorasin dhe të gjuanin me armë në ajër. Ai do të shërbejë për katër vitet e ardhshme.
Qeveria mbështetet në luftën e saj kundër al-Shabab nga Bashkimi Afrikan, në formën e rreth 18,000 trupave dhe Kombeve të Bashkuara.
Paqëndrueshmëria është një nga arsyet pse Somalia nuk ka mundur të mbajë zgjedhje të drejtpërdrejta. Somalia nuk ka pasur zgjedhje demokratike një person-një votë që nga viti 1969./BBC/
