Koreja e Veriut publikon foto nga hapësira të siguruara nga testimi i raketave
Nga OraNews Përditësimi i fundit 31 Janar 2022, 08:27
Koreja e Veriut ka publikuar disa fotografi për të cilat tha se janë marrë nga lëshimi i raketës më të fuqishme në pesë vjet.
Fotot e pazakonta të marra nga hapësira tregojnë pjesë të gadishullit Korean dhe zonave përreth.
Pheniani konfirmoi të hënën se kishte testuar një raketë balistike me rreze të ndërmjetme Hëasong-12 (IRBM).
Në kapacitet të plotë, kjo raketë mund të arrijë mijëra kilometra, duke vënë zonat sikurse territori amerikan Guam, brenda perimetrit të sulmit.
Testi i fundit ka ngritur sërish alarmin në komunitetin ndërkombëtar.
Pheniani ka kryer një numër rekord prej shtatë lëshime raketash vetëm gjatë muajit të kaluar - një stuhi intensive aktiviteti që është dënuar ashpër nga SHBA, Koreja e Jugut, Japonia dhe vende të tjera.
OKB-ja e ndalon Korenë e Veriut të testojë armët balistike dhe bërthamore dhe ka vendosur sanksione të rrepta. Por shteti i Azisë Lindore rregullisht kundërshton ndalimin.
Zyrtarët amerikanë të hënën thanë se rritja e fundit në aktivitet garantonte rinovimin e bisedimeve me Phenianin, shkruan BBC.
