Përmbyset furgoni me punëtorë në Itali, humb jetën 25-vjeçari shqiptar
Nga OraNews Përditësimi i fundit 29 Janar 2022, 16:36
Një 25-vjeçar shqiptar ka humbur jetën mbrëmjen e djeshme, 28 janar në një aksident rrugor të ndodhur në Cerrete Collicelli në zonën e Cingolit, Itali.
I riu po drejtonte një furgon me 3 kolegë të tjerë, i cili për arsye ende nën hetim ka përfunduar jashtë rruge dhe është përmbysur në fushën ngjitur me rrugën.
25-vjeçari u konstatua i vdekur në vendin e ngjarjes. Dy prej të rinjve kanë arritur të dalin vetë nga dritaret, ndërsa njëri është transportuar në spital në gjendje të rëndë.
Policia po punon për të zbuluar shkaqet e aksidentit të rëndë, shkruajnë mediet italiane.
