Gati albumi i "The Weeknd", ja kur publikohet
Nga Besmira Pelushaj Përditësimi i fundit 5 Janar 2022, 11:48
Artisti kanadez, The Weeknd pritet të publikojë të premten albumin e tij të fundit të titulluar “Dawn FM”.
31 vjeçari, yll i muzikës R&B, ndau një video në mediat sociale duke njoftuar rekordin e ardhshëm, me një bashkëpunim surprizues me komedianin Jim Carrey.
Albumi përfshin edhe artistët Tyler the Creator, Lil Wayne, Quincy Jones dhe Oneohtrix Point Never.
Klipi i stilit fantastiko-shkencor tregon skena, duke përfshirë një përplasje me makinë dhe The Weeknd ndodhet përmes një rreshti figurash të maskuara ndërsa luan muzikë. Artisti shfaqet edhe si një plak me flokë të thinjura:
“Tani po dëgjoni 103.5 Dawn FM. Ju keni qenë në errësirë për një kohë të gjatë. Është koha për të ecur në dritë dhe për të pranuar fatin tuaj me krahë hapur", dëgjohet një zë në video.
Këngëtari është nominuar për tre “Grammy”, pavarësisht se ka bojkotuar çmimet dhe ka ndaluar kompaninë e tij diskografike të dërgojë ndonjë nga këngët e tij. Shërbimi i videove muzikore “Vevo” njoftoi në dhjetor se The Weeknd ishte artisti më i ndjekur i vitit të kaluar me 94.3 milionë shikime.
