Apartamenti përfshihet nga flakët tek "Don Bosko" në Tiranë, shikoni videon
Nga OraNews Përditësimi i fundit 1 Janar 2022, 00:27
Një apartament është përfshirë nga flakët mbrëmjen e sotme në rrugën “Don Bosko” në Tiranë.
Ngjarja është regjistruar vetëm pak minuta pas mesnatës.
"Me datë 01.01.2022, rreth orës 00:10, në "Don Bosko", ka rënë zjarr në katin e katër të një pallati, në banesën në pronësi të shtetasit G. B., ku ka vetëm dëme materiale" informon policia.
Ora News sjell videon nga vendngjarja.
Drejtori i Përgjithshëm i Policisë Gledis Nano tha se në banesë nuk ka pasur njeri ndërkohë që zjarrfikësit kanë shkuar për të shuar flakët.
Do të jenë hetimet që do të zbardhin rrethanat e ngjarjes dhe përcaktimin e shkakut të rënies së zjarrit.
