‘Forca Brandon’ Amerikani tallet me presidentin Biden gjatë Krishtlindjes
Nga OraNews Përditësimi i fundit 26 Dhjetor 2021, 11:26
Një situatë e pakëndshme është regjistruar gjatë komunikimit të presidentit Biden dhe bashkëshortes e tij Jill me disa familje amerikane gjatë Krishtlindjes. Një telefonues i ka thënë 78-vjeçarit ‘Forca Brendon’, një shprehje anti-Biden që përdoret nga konservatorët.
Joe Biden dhe bashkëshortja e tij po telefonin disa familje amerikane gjatë Krishtlindjes, ku një telefonues është tallur me 78-vjeçarin, duke shkaktuar një situatë të pakëndshme, të cilën presidenti u mundua ta kalonte me sportivitet.
Një amerikan ka mundur të lidhet me presidentin Biden dhe bashkëshorten e tij, Jill dhe i uroi për Krishtlindje, por e papritura ndodhi në fund të bisedës.
Biden e uroi për Krishtlindjen.
Biden: Të uroj një Krishtlindje të mrekullueshme.
Edhe telefonuesi e uroi por në fund e vuri në siklet presidentin.
Telefonuesi: Po, edhe unë ju uroj një krishtlindje të mahnitshme dhe ‘Forca Brendon’
Biden iu përgjigj dhe u mundua ta largonte vëmendjen nga ky term.
Biden: Po, forca Brendon jam dakord. Me që ra fjala jeni nga Orgean?
Let’s go Brendon ose forca Brendon u përdor për herë të parë një garë makinash në 2 tetor.
Gazetarja e medies NBC, Kelli Stavast po intervistonte fituesin e garës ‘Brandon Brown’, ndërsa turma po bënte një thirrje anti-Joe Biden.
Gazetarja u mundua që ta hiqte vëmendjen nga të sharat kundër presidentit Biden dhe tha ‘ata po thërrasin Let’s go Brandon, ose forca Brandon’.
Ky term u përdor nga të gjithë mbështetësit e ish-presidentit Donald Trump dhe përdoret në çdo aktivitet me prani të madhe njerëzish duke shprehur edhe pakënaqësinë ndaj presidentit Biden.
Shumë shpejt kjo shprehje u bë e njohur nëpër medie kryesisht të djathta, e madje u bë edhe këngë e cila kapi shifra të larta shikueshmëria në vetëm disa orë.
