Video/ Panik dhe ulërima, tërmet i fuqishëm 7.3 Rihter shkund Indonezinë

Nga OraNews Përditësimi i fundit 14 Dhjetor 2021, 09:15

Një tërmet me magnitudë 7.3 goditi Indonezinë lindore në orët e para të së martës, duke shkaktuar edhe alarm për cunami.

Epiqendra ishte në veri të ishullit Flores në provincën Lindore Nusa Tenggara.

Tërmeti shkaktoi tmerr te banorët, megjithëse ende nuk është raportuar për viktima, apo dëme të konsiderueshme.

Autoritetet u bënë thirrje banorëve që të mos kenë frikë dhe të strehohen në një vend, larg bregut.

Qendra e Paralajmërimeve të Cunameve të Paqësorit tha se pas disa minutash, rreziku për një cunami kishte kaluar, pasi valët ishin brenda një rrezes 1000 km nga epiqendra.

herët se valë të tilla ishin të mundshme

Indonezia përjeton tërmete të shpeshta dhe shpërthime vullkanike për shkak të pozicionit të saj në atë që quhet ‘Unaza e Zjarrit’ në Oqeanin Paqësor.

Aktiviteti sizmik është i lartë, pasi pllakat tektonike përplasen ndërsa shtrihen nga Japonia në Azinë Juglindore dhe në të gjithë pellgun e Paqësorit.

Indonezia është goditur në 2004 nga një tërmet shkatërrues, i cili shkaktoi edhe cunami duke lënë të vdekur më shumë se 220 000 persona, e cila është edhe fatkeqësia natyrore më vdekjeprurëse.