Shuhet në moshën 85-vjeçare lideri i fundit i bardhë që ka udhëhequr Afrikën Jugore

Nga OraNews Përditësimi i fundit 11 Nëntor 2021, 13:57

FW de Klerk, ish-presidenti i Afrikës së Jugut dhe personi i fundit i bardhë që ka udhëhequr vendin, ka vdekur në moshën 85-vjeçare.

Z. de Klerk, i cili ishte gjithashtu një figurë kyçe në tranzicionin e vendit drejt demokracisë, ishte diagnostikuar me kancer këtë vit, tha një zëdhënës, njofton BBC.

Ai ishte kreu i shtetit midis shtatorit 1989 dhe majit 1994.

Në vitin 1990 Klerk liroi nga burgu liderin Nelson Mandela, duke çuar vendin në zgjedhjet shumëpartiake në 1994.

Shuhet në moshën 85-vjeçare lideri i fundit i bardhë

Mandela është bërë më pas president i Afrikës Jugore, njëherësh lideri i parë me ngjyrë.

De Klerk ka fituar Çmimin Nobel për Paqe më 1993, bashkë me Nelson Mandelën për përpjekjet e tyre që të bashkojnë një shtet të ndarë pas disa dekadave të aparteidit.

Në një deklaratë nga Fondacioni "FW de Klerk"  thuhet se ish-presidenti vdiq në mënyrë paqësore në shtëpinë e tij, në Cape Town,  pas luftës së tij kundër kancerit./Ora News/