Shikoni përmbysjen epike të Man. United falë Ronaldos, Bayerni trondit Benficën
Nga OraNews Përditësimi i fundit 20 Tetor 2021, 23:02
Një nga ndeshjet më të vështira të ditës ishte ajo në “Old Trafford”. Man. United arriti të kthente ndaj Atalantës një ndeshje e cila po shkonte aq keq saqë do të trondiste edhe stolin e Solskjaer për shkak të pozitave dhe rezultateve jo të mira por në fund gjërat shkuan ashtu siç duhej.
Man. United fitoi 3-2 duke kthyer një ndeshje pothuajse të humbur e të dorëzuar pas pjesës së pare ku Atalanta kryesonte 2-0 me golat e Pasaliç dhe Demiral.
Në fraksionin e dytë u pa krejtësisht një United tjetër dhe arrin që me golat e Rashford dhe të Maguire të barazojë sfidën dhe në fund më pas mendon gjithmonë ai. Cristiano Ronaldo. Portugezi shënoi me kokë golin e përmbysjes së madhe që i jep “djajve të kuq” 3 pikë dhe kryesimin në grup me 6 pikë.
Ndërkohë në Grupin E, Bayern Munchen duket se hasi në vështirësi ndaj Benficës në transfertë ku pjesa e parë u mbylll pa gola por në të dytën bavarezët shpërthyen duke thyer edhe rezistencën vendase me 4 gola të shënuar.
Goli i pare erdhi vonë me Sane në 70 ndërsa në 80’ një autogol i Everton dyfishoi rezultatin dhe më pas Lewandowski e sërish Sane mbyllën ndeshjen me një poker në këtë ndeshje. Ky sukses pothuajse i hap rrugën kualifikimin bavarezëve por i bën edhe një nder të madh Barcelonës duke ndalur Benficën./Ora News/.
