Treni përplaset me makinën në Kosovë, plagosen 6 persona
Nga OraNews Përditësimi i fundit 11 Tetor 2021, 22:23
Të paktën gjashtë persona kanë mbetur të plagosur si pasojë e një aksidenti në Klinë të Kosovës, ku një tren është përplasur me një makinë.
Lajmin për Gazetën Express e ka bërë të ditur zëdhënësi i Policisë për rajonin e Pejës, Driton Rugova, ndërsa ka bërë me dije se të plagosurit po marrin trajtim mjekësor.
“Sot me datë 11.10.2021, rreth orës 18:00, Policia është informuar për një aksident trafiku në mes trenit të udhëtarëve dhe një veture.
Si pasojë e këtij aksidenti 6 persona kanë pësuar lendime trupore dhe janë dërguar në spitalin rajonal në Pejë”, njoftoi Rugova.
