India kap rreth 3 ton heroinë afgane në dërgesën me gurë mineralë
Nga OraNews Përditësimi i fundit 21 Shtator 2021, 10:54
Zyrtarë indianë kundër kontrabandës, kanë konfiskuar rreth tre ton heroinë me vlerë 2.7 miliardë dollarë në portin e shtetit Gujarat.
Testimet forenzike janë ende duke u kryer për të vërtetuar vlerën e saktë të drogës së konfiskuar, thanë zyrtarët për BBC.
Dy persona janë arrestuar dhe shumë të tjerë janë duke u hetuar, është thënë në deklaratë.
Dërgesa ishte nisur nga Afganistani, ku është deklaruar me përmbajtje të gurëve mineralë.
Ajo ka mbërritur në postin në Gujarat përmes Iranit.
“Hetimet e kryera deri më tani kanë treguar për përfshirje të zyrtarëve afganë, të cilët janë nën hetime”, ka thënë Drejtoria për Inteligjencë të të Ardhurave.
Afganistani është prodhuesi më i madh i opiumit, sipas Zyrës së Kombeve të Bashkuara për Drogë dhe Krim.
Korrja e tij e opiumit përbën më shumë se 80 për qind të furnizimit botëror.
Bimët e opiumit rafinohen për të formuar bazën për disa droga që shkaktojnë shumë varësi, përfshirë heroinën.
