Foto/ Me armë në duar, talibanët gjejnë kohë për argëtim dhe lundrojnë me varka në liqen
Nga OraNews Përditësimi i fundit 20 Shtator 2021, 22:52
Dhjetëra luftëtarë talibanë të armatosur me granata dhe pushkë në duar, janë parë duke lundruar në varka me ngjyra në parkun nacional Band-e Amir, në provincën lindore të Afganistanit, Bamiyan.
Në një nga fotografitë e shpërndara në Twitter nga gazetari Jake Hanrahan, talibanët shfaqen duke mbajtur në duar granata dhe armë të ndryshme zjarri.
Liqenet blu të vendit ishin konsideruar si një strehë relativisht e sigurt para marrjes nën kontroll të grupit militant muajin e kaluar.
James Willcox, themeluesi i kompanisë turistike me bazë në Mbretërinë e Bashkuar Untamed Borders, tha se dikur kishte qenë mjaft e sigurt për të sjellë grupe vizitore.
Që nga ardhja në pushtet e talibanëve, në vend po ndodhin protesta të shumta në përgjigje të regjimit të ri.
Taliban in Bamyan Province…
— Jake Hanrahan (@Jake_Hanrahan) September 18, 2021
(These photos are real) pic.twitter.com/oWHJXDpVfZ
