Putin: Shpresoj që talibanët t'i mbajnë premtimet e tyre
Nga OraNews Përditësimi i fundit 20 Gusht 2021, 17:50
Presidenti rus, Vladimir Putin, thotë se vendet e tjera "nuk duhet të imponojnë vlerat e tyre" në Afganistan dhe mënyrën se si talibanët po kontrollojnë pjesën më të madhe të vendit, "ne duhet të pranojmë realitetin".
Ai shton se shpreson se talibanët do të përmbushin premtimet e tyre për të rivendosur rendin në Afganistan. Këto janë komentet e para që kreu rus ka bërë në lidhje me krizën në Afganistan, shkruan BBC.
Rusia ka një histori të komplikuar me Afganistanin. Në 1978, gjatë Luftës së Ftohtë, pati një grusht shteti komunist në vend, kryengritjet kundër tij më pas çuan në pushtimin e trupave sovjetike vitin e ardhshëm.
Forcat sovjetike luftuan kundër kryengritësve xhihadistë lokalë, të njohur si muxhahedin, të cilët u mbështetën nga SHBA dhe Pakistani. Lufta sovjetiko-afgane zgjati 10 vjet dhe ishte shkatërruese për vendin, me rreth një milion afganë të vrarë.
Ofensiva e talibanëve në të gjithë Afganistanin u përfundua më 15 gusht me marrjen e kontroli të vendit. Presidenti Ashraf Ghani është larguar nga vendi, duke çuar në kolapsin e qeverisë. Lëvizja shpalli fundin e luftës shumëvjeçare.
Marrja e pushtetit ka detyruar mijëra afganë të kërkojnë shpëtim nga vendi nga frika e hakmarrjes nga militantët.
