Fauci: Testimi i antitrupave nuk është metodë e besueshme, mbrojtja ulet me kalimin e kohës
Nga OraNews Përditësimi i fundit 5 Korrik 2021, 13:20
Niveli i Antitrupave ndaj Covid-19 nuk duhet të testohet pas vaksinimit, thotë Anthony Fauci,drejtori Institutit Kombëtar të Alergjisë dhe Sëmundjeve Infektive dhe këshilltar mjekësor i presidentit amerikan .
Profesori mori dozën e parë të vaksinës Moderna më 22 dhjetor 2020 dhe beson se mbrojtja e ofruar nga vaksinat do të ulet me kalimin e kohës dhe përfundimisht do të nevojitet një dozë përforcuese.
Mjekët vërejnë se nuk duhet të supozojmë se vaksinimi fillestar do të na ofrojë mbrojtje të përjetshme kundër SARS-CoV-2.
Ekspertët argumentojnë se testimi i antitrupave nuk është metodë e besueshme për përcaktimin e mbrojtjes kundër Covid-19.
Përveç kësaj, shkencëtarët grek thonë se testet antitrupave janë shumë heterogjene dhe nuk identifikojnë të gjithë antitrupat e në të njëjtën mënyrë, raporton CNN Greece.
Administrata Amerikane e Ushqimit dhe Barnave (FDA) argumenton se, personat e vaksinuar nuk duhet të mbështeten në testimin e antitrupave për të përcaktuar imunitetin ndajCovid-19.
Dr. Anthony Fauci pohon se dy faktorë janë veçanërisht të rëndësishëm:
1) Rritja e infeksioneve me Covid-19 te të vaksinuarit në provat klinike në vitin 2020.
2) Të dhëna laboratorike që tregojnë se mbrojtja e ofruar nga vaksina është në rënie.
Këto janë elementë shumë të rëndësishëm për rrjedhën e pandemisë, veçanërisht duke marrë parasysh shfaqjen e mutacioneve të reja.
