Dhjetëra viktima në Kanada për shkak të nxehtit ekstrem, termometri shënoi 49,5°C

Nga OraNews Përditësimi i fundit 30 Qershor 2021, 07:50

Dhjetëra persona kanë humbur jetën në Kanda, për shkak të valës së nxehtë që ka ardhur nga temperaturat e larta.

130 persona kanë humbur jetën që nga e premtja. Mësohet se shumica prej tyre ishin të moshuar, ose kishin probleme shëndetësore, raporton BBC.

Sipas autoriteteve nxehtësia ka qenë faktor kontribues në vdekjen e qytetarëve.

Të martën Kanadaja regjistroi temperaturën e saj më të lartë  të arritur ndonjëherë për të tretën ditë radhazi 49.5°C  në Lytton.

Ekspertët thonë se vala aktuale ekstreme është pasojë e ndryshimeve klimatike.

Për shkak të temperaturave, zona e Vankuverit ka mbyllur shkollat dhe qendrat e vaksinimit ndaj Covid-19 ndërsa ka instaluar në rrugë ujëvara provizore dhe stacione spërkatjeje me ujë.

Zona me presion të ulët në Amerikën Veriore po shtrihet nga pjesa perëndimore e SHBA-së që po ashtu raporton fenomene ekstreme të motit