Gjyshi merr nga çerdhja "mbesën e gabuar", e vë re vetëm kur mbërrin në shtëpi
Nga OraNews Përditësimi i fundit 29 Qershor 2021, 19:25
Karabinierët italianë kanë nisur hetimet mbi një çerdhe, pasi stafi i dha një fëmijë "gjyshit të gabuar."
I moshuari ishte ai që nisi fillimisht gabimet.
Ai u drejtua për te çerdhja e gabuar dhe kërkoi për mbesën. Stafi i dha një fëmijë që sipas raportimeve nuk ishte mbesa e tij, dhe i moshuari nuk e kuptoi këtë gjë.
Keqkuptimi vazhdoi për gjysmë ore deri në momentin që ai arriti në shtëpi dhe anëtarët e familjes e kuptuan që kishte sjellë "mbesën e gabuar."
Ndërkohë një anëtar i familjes kishte mbërritur në çerdhe në momentin që nuk gjeti vajzën thirri policinë.
Mbesa e vërtetë e gjyshit, megjithëse dy vjet më e madhe se tjetra, po priste që dikush ta merrte nga kopshti fqinj.
Ngjarja tashmë solli procedime disiplinore për të dy personelet e çerdheve, duke marrë parasysh që të afërmit duhet të identifikohen, dhe se stafi është gjithashtu përgjegjës për shmangien e keqkuptimeve serioze si kjo.
Vajzat kanë të njëjtin emër por kjo nuk e justifikon gabimin. Edukatori dhe portieri që hapi derën u pezulluan nga puna për këtë incident, shkruan La Repubblica.
