Video/ Arinjtë zhyten në pishinë për t’i shpëtuar vapës së madhe

Jo vetëm njerëzit, por dhe kafshët vuajnë nga temperaturat e larta të regjistruara në Kanada.

Në British Columbia, temperaturat arritën 46 gradë Celsius gjatë fundjavës dhe një ari me dy këlyshët u përpoqën të freskoheshin në pishinën e një shtëpie.

Lyle Jeffrey, i cili jeton pranë parkut Mundy, filmoi momentin kur ariu me dy këlyshët po zhyteshin në pishinën e familjes.

Jeffrey thotë se arinjtë qëndruan në pishinë për rreth një orë dhe më pas u endën në Mundy Park.