Yuri Kim: Mos përmend më fjalën sfurk, Meta: E përqafoj ambasadoren, boll ndërhyre në punët e brendshme të Shqipërisë
Nga OraNews Përditësimi i fundit 23 Prill 2021, 22:11
Ambasadorja e SHBA-ve në Tiranë, Yuri Kim i është drejtuar presidentit Ilir Meta përmes një mesazhi në Twitter duke i thënë se thirrjet për mbrehej të sfurqeve dhe sëpatave janë të dënueshme dhe duhet mbajtur përgjegjësi.
"Është e papranueshme për këdo që të kërcënojë se qytetarët do të marrin "sfurqet" në 25 Prill ose nëse nuk u pëlqen rezultati i zgjedhjeve. Këto kërcënime meritojnë dënim. Ata që nxisin dhunë do të mbajnë përgjegjësi për rezultatet e fjalëve dhe veprimeve të tyre. Ndal", shkruan Kim.
Por nuk ka munguar as përgjigja e presidentit Meta gjatë intervistës së tij për Syri TV.
“Tani live sapo me shkruajti Ambasadorja Yuri Kim për te mos permendur me sfurqet. I them Ambasadores amerikane live që të mos marre më në mbrojtje Edi Ramën. Meqë më dergoi live sms i them Ambasadores Amerikane mos e mbështet më Edi Ramën.
Meqë jam transparent po ju them edhe një fakt që Ambasadorja Amerikane më ka kërkuar mua si President, një ditë para mbledhjes së KED-së, të pranoj unë Adrian Dvorani. Këtë ajo e kërkoi jo në emër të Amerikës, po në emër të Edi Ramës.
E përqafoj ambasadoren amerikane dhe i them boll ndërhyre në punët e brendshme të Shqipërisë në këtë mënyrë të njëanshme”, u shpreh Meta.
