Nuk ka qetësues, pacientët në Brazil intubohen zgjuar
Nga OraNews Përditësimi i fundit 15 Prill 2021, 14:02
Mungesa e qetësuesve në spitalet e Rio de Janeiro në Brazil me disa punonjës shëndetësorë që pranojnë se u është dashur të intubojnë pacientët me Covid edhe kur kanë qenë zgjuar.
Një infermiere nga spitali Albert Schweitzer në Realengo, në Rio lindore, i tha G1 se disa pacientë të sëmurë rëndë nga Covid janë intubuar zgjuar dhe me duart e tyre të lidhura në shtrat për shkak të mungesës së ilaçeve.
“Ata janë zgjuar, pa qetësues, të intubuar, me duart e tyre të lidhura në shtrat dhe duke na lutur që të mos i lëmë të vdesin”
118 pacientë me Covid janë të shtruar në spital, nga të cilët 40 janë në kujdes intensiv.
“Ventilimi mekanik pa qetësues është një formë e vërtetë e torturës për pacientin”, shtoi mjeku i kujdesit intensiv Aureo do Carmo Filho.
Një infermiere në detyrë në një spital tjetër në kryeqytetin e Rio de Janeiro, Sao José, tha se disa nga 125 pacientët me Covid vdiqën për shkak të mungesës së qetësuesve.
“Ne nuk kemi ilaçe, nuk kemi qetësues për pacientët në terapi intesive dhe fatkeqësisht shumë prej tyre nuk ia dalin. Ne punonjësit shëndetësorë po ndihmojmë në dëshpërim, duke qarë, sepse nuk mund të bëjmë asgjë. Nuk kemi shiringa dhe age”, tha infermierja për G1.
Brazili ndërkohë ka tejkaluar 360 mijë viktima të Covid-19 që nga fillimi i pandemisë. Kjo u zbulua nga Këshilli Kombëtar i Sekretarive të Shëndetit, duke informuar se në 24 orët e fundit janë regjistruar 3459 vdekje dhe 73 513 infeksione.
Numri i përgjithshëm rritet në 361 884 viktima krahasuar me 13 673 507 raste të konfirmuara me koronavirus.
