Radhë në ambulanca për vaksinimin, ndryshimi i orarit shkakton kaos te të moshuarit
Nga OraNews Përditësimi i fundit 28 Mars 2021, 12:18
Pak metër larg sheshin Skënderbej ku vaksinimi u realizua nën syrin e medies dhe të kryeministrit Rama, situata u shfaq krejt ndryshe.
Vaksinimi masiv u shoqërua me radhë në ambiente të jashtme dhe të brendshme të qendrës shëndetësore nr. 3 në tiranë
Kishte prej tyre që pas njoftimit nga mjeku i familjes kishin mbërritur që në orët e para të ditës.
"Na ka thënë mjekja e lagjes se do të vaksinohemi sot, po shumë rrëmujë. Këtu vjen për t'u shëruar dhe sëmuresh më keq."
"Kanë disa 2 orë që presin këtu. Nuk ka rregull, sepse s'kanë vënë emra këtu. Ne na lajmëroi ambulanca e lagjes."
Të tjerë qëndronin në radhë jashtë ambientit për të shmangur dyndjen në derën e dhomës ku kryheshin injeksionet.
"Ne kështu po e marrim virusin më shumë. Këtu po futen njerëzit pa radhë."
"Ne e kishim në orën 9, erdhëm qysh në 8:30 dhe akoma nuk jemi vaksinuar, ora 11."
Ata që qëndronin në korridor pranonin frikën nga infektimi me Covid, por shprehen se nuk kishte organizim të vaksinimit.
Shprehen se mjeku nuk i tregonte markën e vaksinës që do të merrnin.
Një nga argument e dhëna ishte dhe ndryshimi i orës, por duket se pak kush nga autoritetet kishte menduar të mbante rregull aty ku kryeministri nuk do të shkonte në këto ditë fushate. madje dhe ushtria e shfaqur në ERTV mungonte në këtë qendër.
