Aksident në Sarandë, makina përplas këmbësoren
Nga OraNews Përditësimi i fundit 10 Shkurt 2021, 19:25
Një automjet "Range Rover" me targa AA055LT, ka aksidentuar një këmbësore në Sarandë.
Ngjarja ka ndodhur mbrëmjen e sotme, 10 shkurt. E reja ishte duke ecur teksa është përplasur nga automjeti, në hyrje të rrugës nr.2.
Vajza e plagosur është transportuar me urgjencë drejt spitalit.
"Rreth orës 19:12, në lagjen Nr.1, Sarandë, një automjet, me drejtues shtetasin K.B., 24 vjeç, ka aksidentuar këmbësoren me iniciale E. B., rreth 30 vjeçe, e cila është transportuar në spitalin e Sarandës për ndihmë mjeksore, jashtë rrezikut për jetën" njoftoi policia.
Drejtuesi i mjetit është shoqëruar në Komisariatin e Policisë Sarandë.
Grupi hetimor po punon për zbardhjen e plotë të ngjarjes.
